Dili, 25/06/2019. Asaun uniku no foin primeira ne'ebe akontese iha terminal Dili parte leste, aktividade limpeza ida ne'e realiza husi kondutor no ajudante Bus diresaun Dili-Baucau/Baucau-Dili, nu'udar kondutor Bus ne'ebe utiliza terminal sai hanesan fatin servisu laos deit atu hadau pasajeiros, hodi hetan setoran ne'ebe diak maibe iha sorin seluk, kondutor ho ajudante Bus iha mos inisiativa positivo atu hadomi ambiente, liu husi aktidade limpeza hodi hamos areal terminal sai mos no saudavel i nomos sai hanesan exemplar ida ba pasajeiros, vendedores, no estudantes atu soe lixu iha nia nafatin no kuida ambiente. Ambiente ne'ebe mos kria kondisaun saudavel ba ema hotu nia saude, entretantu ambiente ne'ebe foer no nakonu ho lixu sai hanesan fatin ba mikroorganismu hanesan Bakteria, Virus no insectos ( susuk )ne'ebe perigu hodi hala'o nia siklus moris, ejistensia animal sira ne'e sei ameasa ba Ita nia saude humana tamba bele hadaet no afeta moras ba ita nia isin. Iha parte seluk, lixu anorganiku hanesan plastiku, vidru, besi/lata no butil ne'ebe ita la soe tuir nia fatin bele tama iha baleta no botuk hamutuk nune'e sei taka sirkulasaun bé ba tasi nune'e sei hamosu inundasaun iha tempo udan. Parabens Bus diresaun Dili-Baucau / Baucau-Dili sai exemplar ba ema hotu. Los duni, Baucau laos deit muturabu maibe mos muturau #LoveBaucau
